قصيدة يا بحر
يا بحر جاك الشاعر اللي تارك الدنيا وراه
وما عاد هموه العباد اللي وفى واللي جحد
من يوم حصل فيك شي عند غيرك ما لقاه
هدوءك اللي مثل حدك ما لقى لاخره حد
من يوم غنى وقامت أمواجك تفاعل مع صداه
كنها تقول الله عقبك ما نبي نسمع لـ احد
كم حاولت شهب السنين بسيفها تكسر عصاه
لكنه أقسى من السنين الشهب ومن السيف احد
لله در اللي ما تقدر تبحث الدنيا خفاه
لو همه اكبر من طويق وحزنه اثقل من احد
اختلفت الدنيا وجا فالوقت والناس اشتباه
من صارت الجمعه دوام وجت الاجازه في الاحد
والشاعر اللي ينحفظ له بيت واحد فالحياه
يمكن يحفظ اسمه من النسيان لا جا فالأحد
